قرارات خاطئة ورفض تام من أهالي المنيا لقرار المحافظ بشأن موقف الأخصاص  

img
كتب : محمد الشناوي
جاء هذا الرفض عقب إعلان اللواء عصام البديوي محافظ المنيا عن نقل موقف مراكز شمال المنيا إلي كوبري الأخصاص حيث أعلنت إدارة المرور بالمنيا عن بدء تشغيل الموقف الجديد لنقل المواطنين من والى مراكز شمال المحافظة وهي ( سمالوط ـ مطاى ـ بني مزارـ مغاغة) وسيتم تخصيص الموقف القديم أسفل كوبري الملك فاروق لمراكز جنوب المحافظة فقط 
حيث ذكر الأستاذ مجدي ألزناتي السيد اللواء محافظ المنيا أرجوك قرار نقل الموقف تحت كوبري الأخصاص خطر كبير على بناتنا وبعدين حضرتك مكانه تحت كوبري المحطة غربا دا انسب مكان لأنه قريب من محطة السكة الحديد والأتوبيس ومش عامل أعاقه لاى احد بس كان عاوز ترتيب ورصف ولا حضرتك علشان عملتوا الموقف بحري وصرفتوا ما صرفتوا عليه مش عايزين ترجعوا في كلامكم لا يافندم أنت لازم تخاف على أعراض بناتنا اللي في جامعة أسيوط وبني سويف لأنك ولى أمر الجميع بحكم وظيفتك والله بحري مكان غلط وهتشوف الحوادث اللي هتحصل من مكانه تحت منزل الكوبري
و ذكر احمد مروان موظف هذا قرار خاطئ ومضيعة للوقت وإنا علشان أوصل شغلي لازم اركب 4 مواصلات ليه كل ده حرام أتمني الرجوع عن هذا
فيما ذكرت هاجر احمد طالبة بجامعة المنيا انه قرار خاطئ لان الموقف في مكان مقطوع وليس امن ولو بنت هتركب بالليل هتتبهدل 
وذكر احمد محمد طالب بكلية هندسه أنا كنت بركب من سمالوط وبنزل أمام الكلية ومن غير بهدلة ووجع قلب هذا قرار غير مدروس ولا مخطط له والقرار ضار لأبناء المنيا ولجموع الطلبة المغتربين والمسافرين من القرى والمراكز ونقل موقف قبلي لماقوسه كلها قرارات عشوائية غير مدروسة للواقع
وأكد محمود بكر انه قرار سيء لان تحت كوبري محطة وسط البلد وبعدين المصالح الحكومية اغلبها ناحية المحطة أما المكان الجديد بتكبد عناء مواصله تانيه علشان تقضى مصالحك وبعدين اللي كان مش بيلاقى قطار أو فاته القطار بيطلع كوبري المحطة يركب ميكروباص 
ومن جانبه، قال العميد عادل جلال مدير إدارة المرور، إن خطوط سير سيارات السر فيس بشارعي طه حسين وعدنان المالكي ستصل للموقف الجديد ، لافتاً إلى انه تم تركيب لوحات إرشادية تيسيراً على السائقين من مراكز شمال لمعرفة أماكن تواجدهم داخل الموقف لنقل المواطنين.
وأضاف أن تلك الإجراءات تهدف إلى الحد من مشكلة التكدس المروري والزحام بالموقف الحالي أسفل كوبري الملك فاروق والذي سيكون خاص بسيارات جنوب المحافظة فقط .
 

الكاتب النافذة الأعلامية

النافذة الأعلامية

مواضيع متعلقة

اترك رداً